viernes, 23 de diciembre de 2011

PARA NON ESQUECER ONDE VIVIMOS

POSTAL DE NADAL
Aquí podedes ver a postal de Nadal realizada polo alumnado do colexio para felicitar a toda a comunidade educativa.
É unha postal moi mariñeira!. 


Open publication - Free publishing - More libro
A montaxe da postal estivo a cargo do Equipo de Dinamización da Lingua Galega.
BOLETÍN Nº 1 DA BIBLIOTECA
CURSO 2011-2012

domingo, 11 de diciembre de 2011

Agustín Fernández Paz, discurso de recepción do Premio Iberoamericano SM en Guadalajara

Escoitade este documetnto extraordinario




Podedes ler o discurso completo aquí:



SOBRE A EXCLUSIÓN E A INVISIBILIDADE
 Edicións Xerais publica "Fantasmas de Luz", novela de Agustín Fernández Paz sobre o drama da exclusión e a invisiblilidade á que está sometida unha boa parte da sociedade. Ademais de ser "unha homenaxe ao cine, tanto ás vellas salas que foron esmorecendo como ás grandes películas que, sen ser a vida mesma, «axudan a entendela e enchen de esperanza o corazón»".
Open publication - Free publishing - More libro

viernes, 9 de diciembre de 2011

















 10 DE DECEMBRO: DÍA DOS DEREITOS HUMANOS

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"


* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!


Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.


Texto de Maribel Serantes (CEIP Os Casais)

lunes, 5 de diciembre de 2011


TRABALLO DOCUMENTAL SOBRE O MAR E A PESCA
Como xa sabedes durante este curso embarcámonos nun proxecto documental que leva por título:
Ao Laxeiro chegou un barco cargado de...Quen me quere axudar?”. Proxecto cooperativo sobre o mar e a pesca.
Entre todos estamos a  investigar e participar de forma cooperativa para saber un pouco máis e para ir máis aló do que nos din os libros de texto.
Buscamos en distintas fontes de información e en diferentes soportes, traballamos  en equipo e ao final reflectiremos o que conseguimos.
Contaremos con persoas que nos falarán do seu oficio. Empezamos xa a traballar e entre todos estamos a confeccionar os murais das entradas do colexio.
Debuxos, historias, libros, exposicións...conformarán todo o traballo que publicaremos nos blogues.
Pouco a pouco estamos a construír o noso barco e despois navegaremos segundo vaian soprando os ventos.
Para ler con máis detemento aquí tedes o documento explicativo.

viernes, 2 de diciembre de 2011

CULTURGAL 2011
Hoxe venres, 2 de decembro, e ata o domingo 4 comeza en Pontevedra Culturgal 2011, a Feira dos distintos gremios da cultura galega: libro, audiovisual, teatro música, deseño, internet e novas tecnoloxías...Esta é a súa cuarta edición e unha extraordinaria oportunidade para levar aos vosos fillos a gozar de conta - contos, teatro e varias actividades. Todo no "cuarto dos nenos".
Podedes ver a programacón neste blog ou na páxina web:
 




miércoles, 30 de noviembre de 2011


 O BUBISHER
O bubisher é o paxaro pequeno,  un habitante no deserto do Sahara  que trae boa sorte. 

Pero ademais e dende o ano 2007 é un proxecto que medra ano a ano.

 Todo comezou ese ano nunha xuntanza do escritor Gonzalo Moure co alumnado do colexio San Narciso de Marín (Pontevedra). Suxeriron a idea de levar libros nun bibliobús para os  Campamentos de Refuxiados Saharauis. Púxose en funcionamento no curso 2008/2009 e asentouse no curso seguinte.
Hoxe está a pleno rendemento. Pero mellor lede o documento que vos achegamos aquí para comprendelo mellor:



Open publication - Free publishing - More libro


 
Durante este trimestre moitas bibliotecas galegas colaboran na merca dun libro para cargar de palabras e de esperanza este bibliobús. A biblioteca do CEIP Pintor Laxeiro envía  aos nenos/as saharauis, “La Familia”. Álbum ilustrado de Pep Bruno Galán e Mariona Cabassa Cortés (Kalandraka).
Máis información en: www.bubisher.com/somos

domingo, 6 de noviembre de 2011

Que sabes do Samaín e dos celtas?

Como en cursos anteriores e nos meses de outubro e novembro traballamos a festividade do Samaín e a  de Halloween. A biblioteca fai suxestións ao profesorado para traballar nas aulas:
  • A historia.
  • Selección de contos distribuídos por ciclos para ler na aula ou na biblioteca.
  • Actividades de expresión oral, escrita e plástica.


gif make
·      

DON LIBRESCO PREGUNTA
Sabedes que é...o Samaín?
  É unha tradición de orixe celta.
Samaín é unha palabra gaélica que significa principio do inverno. O tempo de Samaín, a noite do 31 de outubro ao 1 de novembro era a máis importante do ano: o comezo do ano novo.
Días antes o pobo cos seu druídas reuníanse para facer sacrificios de animais. Achegábase o inverno e había que almacenar víveres e a pel dos animais para afrontar os duros meses que ían pasar. Non vos soa a algo que coñecedes?.
Efectivamente, podemos dicir que era a súa particular matanza. Como se fai nas aldeas do noso país: a matanza do porco.
Pero ademais reuníanse nos camposantos, era a noite máis perigosa do ano.
“As portas do outromundo abríanse e nesas horas as ánimas eran quen de visitar este mundo e aos seus moradores”.

Anímovos a que investiguedes sobre a historia do Samaín, a cristianización da festa, as lendas relacionadas...


Votade unha ollada á biblioteca!!!.

Aquí van algúns títulos para os que tedes máis de 7 anos:  
“Fantasmas no corredor”, “Moko”, “Sálvate Elías”, “Hop Frog”,”Cartas de inverno”,”A noite dos pesadelos”,”Babaiaga”, ”Norocai”, “Un fantasma en el colegio”, “Sálvate, Elías”, “El pequeño vampiro”, “Dicionario dos seres míticos galegos”, e unha fantástica e clásica colección de S.M. Todos Mis Monstruos: “El monstruoso libro de los monstruos”, Operación susto a la hermana”,”Os Barbanzóns: a noite de Samaín”.


Abride a etiqueta de Leo e Lea para ver os títulos recomendados para os máis pequenos. Son tan trastes que mos levaron!!


ESCOLLÍN PARA A REFLEXIÓN ESTE MAGNÍFICO VÍDEO

"LA LEYENDA DEL ESPANTAPÁJAROS"
Considero que é un magnífico corto. Triste, pero tal real como a vida mesma!

Mirádeo e cada un que saque as súas conclusións.



 

miércoles, 1 de junio de 2011

MANIFESTO CONXUNTO DAS BIBLIOTECAS ESCOLARES DE GALICIA

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A INSOPORTABLE LEVEDADE DAS BIBLIOTECAS GALEGAS

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.