sábado, 27 de julio de 2013

26 DE XULLO DÍA DOS AVÓS
Onte os avós tiveron o seu día. Igual que acontece con outras celebracións o 26 de xullo realízanse homenaxes pola nosa xeografía para recordar a gran labor que realizan os avós na familia. Seguro que nestes días de vacacións de verán son eles quen vos coidan e quen vos dedican todo o seu tempo.

Que mellor maneira de conmemorar esta data que ler un libro aos nosos avós. Calquera día é bo!.

Aquí tedes un título publicado por OQO Editora  en febreiro deste ano 2013.

TEÑO MEDO!

As preguntas e os medos do neno protagonista e as respostas pacientes e cheas de inventiva e humor do seu avó móstrannos unha tenra historia sobre a superación dos medos. Os maiores aprenderedes que debemos axudar a combatelos, sen caer na sobreprotección, mantendo sempre a calma, con medidas imaxinativas e resolutivas para superar complicacións”.

  

Autor: Tim Bowley & Alicia Baladan
Ed.: OQO Editora

Un neno estaba co seu avó,
mirando o mar desde una rocha.
De súpeto, o neno dixo:
—Avó, non me gusta esta rocha…
Qué pasa se un barco pirata
aparece polo horizonte
 TEÑO MEDO!



Sobre este tema tedes outros títulos publicados por distintas editoriais. Coma por exemplo:

"Chamádeme Simbad, Avós, Enrugas, Estás na lúa, As bruxas, A viaxe do bisavó, A evolución de Calpurnia Tate, O meu avó Carmelo, Un barco no ceo, O meu avó é unha gata, Charlie e a fábrica de chocolate, A verdadeira historia de Caperucita, Memorias dun neno labrego,  Lúa de Senegal, A marabillosa medicina de Georges, Dúas bágoas por Máquina, Smara, Poderosa, Dúas letters, Rúa Carbón, Cando sexades pequenos..."


Tamén podedes consultar unha extensa bibliografía nos seguintes enlaces
O Club Kiriko, Los abuelos y nosotros
Fundación Germán Sánchez Ruipérez "Libros de abuelos, abuelas".


lunes, 8 de julio de 2013

PREMIOS, PREMIOS E MÁIS PREMIOS!!!



O ministerio de Cultura ven de outorgar ao libro Ocultos, editado por Factoría K editora, o terceiro premio como Libro Mellor Editado no 2012 na categoría de Obras xerais e de divulgación.
Estes premios non teñen dotación económica pero son moi valorados polos editores polo que supóns de recoñecemento e prestixio ao seu traballo editorial, así como pola difusión que supón, ao ser incluídos nas accións de promoción do libro e expostos nas principais feiras do sector.

Ocultos, de Xulio Gutiérrez e ilustrado por Nicolás Fernández, é o cuarto título de "Animais extraordinarios", unha colección que pretende achegar, mediante textos asumibles para todas as idades e ilustracións artísticas de gran realismo, o espectáculo que nos ofrece a natureza. 
Outros títulos desta colección son: BocasNacer Construtores.
Libros informativos... ¡tan necesarios nas nosas bibliotecas!
Vía Fervenzas literarias, literatura galega na web." 






"A versión en castelán do álbum ilustrado Jack e a Morte, de Tim Bowley con ilustracións de Natalie Pudalov e editado pola pontevedresa OQO editora, recibiu unha Mención Honorífica nos premios "Los mejores libros para niños y jóvenes 2013", que outorga o Banco del Libro de Venezuela. Trátase dunha prestixiosa institución venezolana, sen fins de lucro, que investiga, experimenta, innova e divulga accións dirixidas a nenos e mozos para a súa formación como lectores. 
Jack e a Morte é unha versión dun conto tradicional británico A morte atrapada nunha noz. Este álbum ofrece una reflexión necesaria, para o público infantil, sobre a morte, sen dramatismos e como algo natural e inherente á condición humana. 
Os premios "Los Mejores Libros para Niños y Jóvenes" foron creados como un recoñecemento á calidade e variedade no mercado editorial das publicacións en castelán. OQO recunca de novo nestes premios xa que, no 2011, o Banco del Libro distinguiu a Caixa de cartón (Txabi Arnal e Hassan Amekan) como un dos mellores libros para nenos publicados en Hispanoamérica".

domingo, 7 de julio de 2013

UNHA MAGNÍFICA IDEA

A Biblioteca Pública de Seatle promociona a lectura con esta magnífica idea. 
2131 libros caendo con efecto dominó.
27 voluntarios fixeron esta orixinal creación despois de tres horas de traballo e cinco intentos.
Gozade do vídeo e sobre todo dunha boa lectura este verán!.


"Los libros utilizados para hacer esta cadena de dominó fueron donados o bien están fuera de fecha y ya no están en la colección de la biblioteca. Ahora están siendo vendidos por los Amigos de la Biblioteca Pública de Seattle para ayudar a recaudar fondos para los programas y servicios de la biblioteca. No hay libros fueron dañados durante la filmación de un video. Filmado por Playfish medios: http://www.playfishmedia.com"