miércoles, 10 de abril de 2013



JOSÉ LUIS SAMPEDRO
UN GRANDE PENSADOR QUE DEIXA UNHA GRANDE PEGADA


Un economista que sempre tivo presente que esta estaba ao servizo da colectividade.
Uns libros para ler e... ler e... ler. Moito van ter que ler os clubs e moito botarán de menos esa referencia viva.
Un vello que nunca foi vello. Un home de idade que nunca debía morrer.
Un pensador que sempre nos fará falla.
Nin damas de ferro nin iconas da imaxe. Escritores que souberon envellecer... Se algunha vez a colectividade lle puxo o seu nome a unha rúa, cole, biblioteca, aula,... non terá que arrepentirse.

Autor de grandes novelas:

Autor de libros de economía
Economía humanista. Algo más que cifras.
Autor do prólogo da edición española de ¡Indignaos!
Publicado por Asesoría Bibliotecas Escolares para Rede Lectura el 4/09/2013 11:20:00 a.m


lunes, 1 de abril de 2013

DÍA INTERNACIONAL DA LITERATURA INFANTIL E XUVENIL 2013
2 DE ABRIL
Mañá martes, 2 de abril,celebramos a primeira data importante relacionada cos libros e a lectura. Ao longo deste mes o Equipo de Biblioteca propón diversas actividades relacionadas co tema.
Recordamos a todos/as dende cando se celebra esta data e as razóns que a xustifican.

"Desde 1967, o 2 de abril, coincidindo coa data do nacemento do escritor danés Hans Christian Andersen, o IBBY promove a celebración do Día Internacional do Libro Infantil co fin de promocionar os bos libros infantís e xuvenís e a lectura entre os máis novos. 

Cada ano unha Sección Nacional ten a oportunidade de ser a patrocinadora internacional do Día do Libro Infantil. Esa Sección elixe un tema e selecciona a un autor ou autora importante do país co fin de que escriba unha mensaxe para os nenos e nenas do mundo, e a un recoñecido ilustrador ou ilustradora para que deseñe un cartel que se difunde en colexios, bibliotecas, a través dos medios de comunicación, etc. Con este motivo organízanse diferentes actividades de animación, encontros con escritores e ilustradores, concursos e outras accións puntuais". 
Fonte: http://www.oepli.org/pag/gl/dia.php



MENSAXE DE PAT MORA PARA CONMEMORAR O DÍA INTERNACONAL DO LIBRO INFANTIL E XUVENIL

Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.

Oímos murmurios
e ríos buliciosos nas súas páxinas,
osos que cantan
graciosas melodías á lúa.

Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
        e nenos que atrapan as estrelas.

         Lemos xuntos. Ti e eu, dando voltas e voltas,
      percorrendo o mundo coa alegría dos libros.

                                                      
Poema de Pat Mora
Tradución: Concha Blanco

O cartel deste ano é do ilustrador afroamericano Ashley Bryan, escollido polo YBBY para destacar outras culturas que coexisten nos Estados Unidos de América, xunto coa descendente de latinos Pat Mora.

ADHESIÓNS Á CELEBRACIÓN DESTA DATA

Bibliotecas, librarías e outras entidades que celebran habitualmente esta data mediante a organización de exposicións, encontros con autores/as e ilustradores/as, presentacións de libros, sesións de libro-fórum e actividades de animación á lectura.
Desde o catro Seccións da OEPLI e por quinto ano consecutivo solicitouse, principalmente ás librarías e bibliotecas, un esforzo cultural engadido para superar as celebracións realizadas en anos anteriores coa preparación de actos ao redor de Andersen, lecturas continuadas dos seus contos ou dramatizacións das súas obras.
Fonte: http://www.oepli.org/pag/gl/dia.php