CONTINUAMOS COAS ACTIVIDADES:
BIBLIOTECA ... MATEMÁTICO!
Seguimos con paixón
fomentando o gusto polas matemáticas no seu contexto literario e neste mes de
decembro demos un paso máis: montamos unha exposición.
Esta a compoñen
libros sacados dos fondos da nosa biblioteca, libros que acabamos de mercar, e
unha grande variedade de xogos matemáticos. Ao mesmo tempo confeccionamos un
mural no que están representados diversos matemáticos/as e divulgadores desta
ciencia con citas propias e coas visións diversas da materia.
Completamos a exposición con cubertas de películas
nas que as matemáticas está reflectidas nos seus argumentos.
O venres, 12 de
decembro, invitamos ao Dr. Felipe Gago, profesor de Álxebra na USC (Universidade
de Santiago de Compostela) e coordinador da olimpíada
matemática en España e da Olimpíada Iberoamericana de Matemática Unirvesitaria.
A charla, amena e
moi enriquecedora, levou o título de “Vive as matemáticas” . o doutor,
fixo un rápido e sinxelo percorrido pola historia dos números e continuou con
demostracións matemáticas para facer ver aos nenos/as como o coñecemento e a
información é a mellor ferramenta para que ninguén poda manipularnos. Recalcou
que a información fannos libres, libres para pensar e libres para elixir: o
coñecemento das matemáticas é importantísimo para evitar a estafa e o engano.
Ao remate da charla
deu comezo un turno de preguntas no que o profesor satisfixo a curiosidade dos
nosos alumnos/as.
Toda estas
actividades que amosamos danos un gran pulo para continuar coa nosa tarefa de
fomentar o gusto pola lectura, o estudo da ciencia e tamén inculcar na idea de que o
mundo está interrerelacionado:
MATEMÁTICAS E LITERATURA ESTÁN CONECTADAS!!
Seguiremos investigando con que outros saberes están contactadas
as matemáticas!
Para agradecer á
súa amable e desinterasada presenza, agasallámolo cunha figuriña de cerámica de
Sargadelos: o faro das nosas Illas Cíes para que lle siga guiando na súa labor
profesional como estudoso e divulgador activo das ciencias matemáticas.
Soamente decirlle
ao profesor Gago que captamos a súa mensaxe.
GRAZAS!
No hay comentarios:
Publicar un comentario